PERSALAMEN
ASALAM MUALAIKUM PEMULO NI PERI
KUTATANGEN PUMU SEPULUH JEJARI
URUM SUJUT SUKUR KU TUHEN ILAHI
SELAWAT KUNABI SIGERE PENAH LUPE
KUAMA REJE LE SEMAH NI KAMI
LENGKAP BERISI WAN BATIL TEMBEGE
KUSARA KOPAT DEWAL OPAT SAGI
KU TENGKU KALI IMEM RUM PETUE
ARI SI JARAK SEKAMI NGE
SAWAH
ILELAH NI DENE GERE MUKEKUNAH
BETA PEJANYIN SIGERE MUPERINGKAH
BESILO NGE SAWAH KUDUDUK NI TENGE
WARUS BERWAJIB SINTE BERLUAH
BETA KENE SUNAH IWAN PENGAJINSO
ASAL PERBUETEN SI MUASALIAH
ARI ENTAH BERANTAH NGE SAWAH KUKITE
ARANI UREN LESI KERNA KEDUT
ARANI KUYU ARI SIMANG SIMUT
TELANGKE SANGE MUNURUM BENANG GASOT
KEKELANG RUKUT MUNETAH CERITE
PERANG MUPANGKAL KERJE MUSUKUT
KUSI LAYAK PATUT PAKAT SARA INE
TIRUS LAGU GELAS BULET LAGU LUMUT
BUWET BERLANJUT KU PAKAT SUDERE
ASAL NI EDET ARI PUTE MERHUM
KURASA BEWENTE BESILO NGE MAKLUM
ARI SIAH KUALA LE TERBIT NI HUKUM
HUKUM MUNUKUM ATUR ENTI BELE
GERE TERPISAHEN EDET URUM HUKUM
SE UMPAMA JARUM BENANG URUM RUJE
JET URUM SIPET SITURAHE MURUM
IKE TEGAK HUKUM EDET PE MULIE
SUMANG KU AWAH KASE PERCERAKEN
SUMANG KU MATA KETA PENENGONEN
SUMANG KU KIDING KASE PERLANGKAHEN
SUMANG KENUNULEN PARINI RESIE
EKAL IWAN TAPE KASE IKEMASEN
IYATE ITASONEN HAKIKET RESIE
PERI BERULES CERAK IYABUNEN
MAJELES ITERTIPEN UMET BERMULIE
IKE BENARE KASE KITE PAPAH
SEDIKEN SALAHE KASE BERTEGAH
IKE KURANGE MURUM KITE TAMAH
AKAL GERE SAWAH PELIN SI MEMUDE
ALEHEN KIDING LANGKAH KUKETUKAH
SEMAH NI LANGKAH SAWAH KUTERIME
CERAK MELENGKAN KADANG ARA SALAH
IMAAPEN TURAH KUTUAH BAHGIE
Cipt. Hamdani Toa/Barliansyah
Tidak ada komentar:
Posting Komentar