TENE NI JEMA MUKMIN
Cipt : Hamdani Toa
TENE
NI JEMA MUKIMN, IPENGEN SELESE
SI
MALE KU RUNGKE IWAN SAER GAYO
ARA
PITU PERKARA DALEL KIN CONTO E
KETA
BESILO SE CUBE KITE RIKE
YANG PERTAMA JEGE I PECERAKEN
LAING ITANGKUH NE GERE SIRERUME
UPET URUM CACI NISE GERE DELE
TASBIH IATEWE GERE BEREREDE
GERE
ARA SUMANG NISE BUETTE
KERNA
IBETIHE RUGI URUM LEBE
GERE
MUADU DOMBA JEROH KEKIRE-E
LAGI
SEMIANG NGE GERE PENAH CUPE
YANG KEDUE TEMETAP NI ATE WE
BELANGI NI BATIN NE MUCAYA KURUPE
URUM SAHAN DEMU MEH BEGALAK ATE
SENANG JEMA DELE LAGI PE MUHARGA
IWAN
ATUR NI EDET NGE SAWAH AKALE
SEPERNE
IMEN NE AHERAT DENIE
TERTIP
BERMEJELIS ATAS PERBUET NE
HARUM
NI GERAL LE LAGU BAU NI SERGE
YANG KETIGE GERE JUAH MATA E
KITEP IYUKE E DANG DANG IYO LAO
HALAL URUM HARAM DASAR PEDOMAN NE
TINGKAH LAKU E GERE MENUNDANG BELE
SUMANG
PENENGONEN SABE IJEGEI YE
SESILON
MATA-E NENGON BUET SIRERUME
KURETA
NI JEMA GERE CABAK PUMUE
TERANG
KEKIRE-E BERSIH JANTUNG LIMPE
YANG KE EMPAT BERSIH PEMANGAN NE
RETA SI PERAHE NUME RETA RIBE
NGUK KITE ENGON HALAL SIPERAHE
JEROH KELUARGA-E BIER PE MISKIN HINE
YANG
KE LIME ATAUK PELANGKAH NE
ALIH
NI KIDING NGE KUBUET BERGUNE
TANGKUH
ARI UMAH MEPAT KETUJUNNE
JEROH
PESINEN NE GERE MUDAWI DEWE
YANG KE ENAM JEGE E PUMU-E
BARANG SI EMAHE NUME RETA TIRO
TILOK UPUH KERONG NISE GERE PANE
PUMU IPERGUNEN NE LE MUNOLONG HEME
YANG
KETUJUH TAAT IBADAHE
GERE
PENAH PERE IKE WAKTU SI LIME
RAJIN
BERSEDEKAH GERE KELIT JEMA-E
YATIM
ISANTUN NE…………………..
OYA LE MULO TENE NI JEMA
MUKMIN
PORA KUJANGIN IWAN
SYAER GAYO
Tidak ada komentar:
Posting Komentar